Hestasýningin „Stefnumót við íslenska hestinn“ er sögu- og gangtegundasýning sem er hvort tveggja fræðandi og skemmtileg og er til á hvorki fleiri né færri en 14 tungumálum. Undir sýningunni hljómar hressileg og taktföst íslensk tónlist. Eftir sýninguna er gestum boðið í hesthúsið, þar sem heitt er á könnunni, hægt er að spjalla við hesta og menn og taka myndir til minningar um góða upplifun.

Hestasýningar eru í boði frá 1. maí til 30. október fyrir hópa að lágmarki 15 manns. Vinsamlegast bókið fyrir fram í tölvupósti eða í síma 486 8894.

Gróðurhúsaheimsóknir eru í boði allan ársins hring fyrir bókaða hópa að lágmarki 10 manns. Gestir fá innsýn í ræktunina með stuttum og fræðandi fyrirlestri og geta svo sest niður og gætt sér á hinni rómuðu Friðheimatómatsúpu með nýbökuðu brauði innan um plönturnar.
Í gestastofunni má líka skoða sýningu um ylrækt á Íslandi.

Vinsamlegast bókið fyrirfram í tölvupósti eða í síma 486 8894.